Muungano wa upinzani nchini Gabon umetoa malalamiko dhidi ya jeshi lililompindua Rais Ali Bongo ya kutoonyesha nia ya wazi ya kurudisha madaraka hayo kwa serikali ya kiraia.

Muungano wa upinzani umesema kuwa jeshi linapaswa kutoa maelezo ya kurudisha utawala huo wa kiraia badala ya kuendelea kuongoza nchi hiyo kijeshi.

Msemaji wa muungano huo, Alexandra Pangha amesema ni jambo la kushangaza kumuapisha Rais mpya Jenerali Brice Oligui Nguema siku ya Jumatatu bila kufanya mazungumzo na taasisi za kiraia zilizovunjwa na jeshi.

Pangha amesema, “Tumeendelea kusubiri mwaliko kutoka kwa wanajeshi ili waeleze mpango wao, lakini hadi sasa hatujapata mwaliko huo.” Pia, ameongeza kuwa hana imani kwamba familia ya Bongo imeondoka kabisa madarakani.

Kwanini familia ya Rais aliyepinduliwa nchini Gabon inapigwa vita

Hali hii inaleta utata na wasiwasi kuhusu mustakabali wa kisiasa nchini Gabon, huku jeshi likishikilia madaraka na upinzani ukisubiri kwa hamu hatua zaidi za kurejesha utawala wa kiraia.