Ili kumuonyesha upendo mwenza wako sio lazima ufanye vitu vikubwa, kumbuka wanawake hupendelea vitu vidogo vidogo. Kuna mambo mengi rahisi sana ambayo unaweza kufanya kila siku yatakayokusaidia kuboresha uhusiano wako na mwenza wako akakupenda daima.
Haya ni mambo 10 ambayo wanawake hupenda kufanyiwa na wenza wao;
1. Usisahau kamwe siku yake ya kuzaliwa
Wanawake wana uhusiano na siku yao ya kuzaliwa ambayo hata sayansi haiwezi kuelezea; inaweza kuwa siku tu, lakini kwake ni siku maalum. Kusahau tu siku yake ya kuzaliwa kunaweza kusababisha ghasia kubwa kuliko vita ya pili ya dunia. Ikiwa unathamini uhusiano wako na yeye, usisahau kamwe siku yake ya kuzaliwa.
2. Mwandikie ujumbe
Unataka ajue kuwa unamfikiria siku nzima? Utakuwa shujaa wake ukifanya hivi! Baada ya kupata barua ya upendo kutoka kwako uliyoiweka kwenye mfuko wa koti au mkoba wake atakuwa akijivunia kwa rafiki zake wa kike wote kuhusu jinsi alivyo na mwanamume mzuri.
3. Usafi
Wanaume wengi wana mazoea ya kuacha nyumba ikiwa chafu na hata kusita kufanya usafi. Hakuna mwanamke anayependa kuona mwanamume wake ni mchafu, hata kama hasemi neno, hakika anaweza kuwa na hasira moyoni.
4. Mwambie kwa hakika jinsi unavyojihisi
Wanaume wanajulikana kwa kutokuwa wazi na waaminifu kuhusu hisia zao, endapo utamwambia unavyojihisi kwake, atakuthamini kwa kumheshimu vya kutosha kufunguka kwake.
5. Usichukue muda mrefu kujibu ujumbe wake
Iwapo atakutumia ujumbe mfupi, angalau uwe na adabu ya kumtumia ujumbe mfupi baada ya muda ufaao. Itamonesha kuwa yeye ni kipaumbele kwako hata unapokuwa na shughuli nyingi.
6. Usimkosoe kupika
Kila mwanamke anapenda wakati chakula chake kinathaminiwa na sio kinyume chake. Ikiwa utamkosoa kupika, unaweza kuwa na ukweli katika tathmini yako, lakini hii ni hakika aina ya ukweli ambao wanawake huchukia.
7. Mpe masaji
Amekuwa na siku ndefu na hata kama hajafanya hivyo, kwa nini mwanamume yeyote alalamike kuhusu hili? Ni kisingizio cha kuwa karibu naye kimwili na kumfanya ajisikie ametulia.
8. Onesha uungwana
Usiache kumfungulia milango, msogezee kiti aweze kukaaa, mruhusu aagize kwanza, na umruhusu achague filamu, wanawake wanapenda mwanaume anayefanya mambo haya, inaonesha wewe ni muungwana na kwamba unamheshimu.
9. Usiangalie wanawake wengine
Unapokuwa naye, mpe umakini wako kamili, usiruhusu mwanamke mwingine aondoe mawazo yako kutoka kwake. Mwanamke anataka kujisikia kuwa yuko katika mtazamo wako. Ikiwa unatazama au kuangalia wanawake wengine, hii itamfanya ahisi kuwa daima unatafuta mtu bora zaidi. Ukimpa umakini wako wote, atajisikia salama katika uhusiano na kukupenda zaidi.
10. Kuwa karibu
Je! Muda umepita tangu nyinyi wawili mmekuwa karibu? Labda kazi, watoto, au masuala mengine yamekuwa yakikuzuia au kukuacha umechoka. Usiendelee kuiahirisha, anaweza kufikiria kuwa haujali tena, hivyo mwambie kuwa umeshindwa kuwa naye karibu, kisha mwambie utafanya nini kuhusu hilo.
