Mkurugenzi Mkuu mpya wa Mamlaka ya Viwanja vya Ndege Tanzania (TAA), Mussa Mbura, ameahidi kuzingatia masuala mahususi katika kipindi chake ikiwa ni pamoja na viwanja vya ndege kufanya kazi masaa 24 ili kuimarisha matumizi ya viwanja vya ndege, kuongeza mapato na usalama pamoja na ustawi wa wafanyakazi.

Mbura, ambaye aliwahi kufanya kazi kama mkurugenzi wa kesi katika Ofisi ya Mwanasheria Mkuu kabla ya kuteuliwa katika wadhifa wa sasa, amesema lengo ni kuhakikisha viwanja vyote vya ndege vinafanya kazi saa 24 ili kutumia kikamilifu ndege za mashirika, na hivyo kufanya viwanja vya ndege kuwa na shughuli nyingi.

Watoto watano wafariki kwa ugonjwa usiojulikana Arusha

Aidha, amesema kufanya kazi chini ya saa 24 ni mbaya kwa mashirika ya ndege, viwanja vya ndege na wasafiri, na pia viwanja vya ndege vinapoteza mapato ambayo wangeweza kupata ikiwa viwanja hivyo vingefanya kazi masaa 24.

Mbali na hilo ameeleza kipaumbele kingine ni kuhakikisha usalama katika viwanja vya ndege na sekta ya anga kwa ujumla vinazingatiwa.

“Usalama katika uwanja wa ndege ni jambo kuu la kuzingatia katika viwanja vyote vya ndege. Ni muhimu kuweka mifumo madhubuti na thabiti ya usalama,” amesema.