Ingawa kudumisha uhusiano wa umbali mrefu ni ngumu na inaweza kusababisha kuvunjika kwa uhusiano, sio kila uhusiano wa umbali mrefu unaweza kuvunjika.

Utafiti umebaini kuwa wale ambao walifika hadi miezi nane katika uhusiano wa umbali mrefu, walikuwa na uwezekano mkubwa wa kufaulu.

Hizi ni sababu 5 za kwanini uhusiano wa mbali huvunjika mara nyingi

1.Ukosefu wa uhusiano wa kimapenzi
Umbali unaweza pia kuua uhusiano kwa sababu ya ukosefu wa uhusiano wa mapenzi. Mawasiliano kupitia ‘video call’ wakati mwingine haviwezi kuchukua nafasi ya mawasiliano ya ana kwa ana. Pia ni vigumu kuunda mahaba kupitia simu au mazungumzo ya ‘video call’.

Wataalam waeleza sababu kuu 3 za wanaume kukosa nguvu za kiume

2.Masuala ya uaminifu
Utafiti unaonesha kuwa umbali unaweza kuzua masuala ya uaminifu. Ikiwa kuna ukosefu wa usalama ndani ya uhusiano, mwenzi mmoja au wote wawili wanaweza kutilia shaka kuwa mwingine si mwaminifu kwa mwenzake.

3.Kuzoe hali bila wenza wao
Umbali katika uhusiano unaweza pia kusababisha watu kukua tofauti na kutambua kuwa wana furaha bila kila mmoja. Mwenzi mmoja au wote wawili wanaweza kujaribiwa kutafuta uhusiano wa kimapenzi au wa kingono na mtu wa karibu na yeye.

4.Ukosefu wa juhudi
Mahusiano ya umbali mrefu hushindwa wakati mmoja au wote wawili wanaacha kuweka jitihada katika uhusiano.
Kwa mfano, unaweza kuacha kumpigia simu mpenzi wako mara kwa mara, au kupunguza mazungumzo kupitia ‘video call’ au mnasafiri kuonana mara chache sana. Hali hii inaweza kusababisha kushindwa kwa uhusiano.

5.Malengo ya siku zijazo hayalingani
Inaweza pia kuwa ngumu kutaka kuweka juhudi zinazohitajika ili uhusiano wa umbali mrefu uendelee, haswa unapogundua kuwa malengo na mipango yako ya siku zijazo hayalingani.
Kwa mfano, moja ya matatizo ya mahusiano ya umbali mrefu ni kwamba mwenzi mmoja anaweza kutamani kuishi pamoja katika siku za usoni, wakati mwenzi mwingine hana mpango wa kuwa pamoja. Ni ngumu kuweka juhudi katika uhusiano ambao hauonekani kuwa na matokeo chanya kwa kila mmoja.