Jengo namba II (Terminal II) la Uwanja wa Ndege wa Kimataifa wa Julius Nyerere (JNIA) linatarajia kufungwa kwa kipindi cha miaka miwili kuanzia mwanzoni mwa mwezi Juni mwaka huu ili kupisha ukarabati.

Mkurugenzi Mkuu wa Mamlaka ya Viwanja vya Ndege Tanzania (TAA), Musa Mbura amesema shughuli zote zilizokuwa zikifanyika Terminal II zitahamishiwa kwenye Terminal III kwa muda katika kipindi chote cha marekebisho.

Ameongeza kuwa vifaa vinavyohusika viko katika hatua ya awali kuanza kujenga miundo ya muda kabla ya shughuli na huduma kuhamishiwa Terminal III, na kubainisha kuwa pindi Terminal II itakapokamilika, maboresho ya Terminal III yatafuata.

Orodha ya nchi 10 za Afrika zenye mamilionea wa dola wengi zaidi

Mbura amesema mkataba wa maelewano juu ya usanifu, utekelezaji na kazi za uhandisi umesainiwa na majadiliano yamekamilika kuhusu ufadhili wa gharama za mradi.

Akiwa ziarani nchini Ufaransa mwaka jana, Rais Samia Suluhu Hassan alishuhudia utiaji saini wa makubaliano ya ukarabati wa miundombinu ya Uwanja huo.