Utafiti uliofanywa na watafiti Maike Luhmann na Louise Hawkley unaonyesha kwamba watu wenye kipato kikubwa mara nyingi hawatumii muda mwingi na watu, bali kuwa peke yao. Kwa upande mwingine, wale wenye kipato cha chini wanaonekana kujenga uhusiano wa karibu na watu na kutojihisi upweke kwa kiwango kikubwa.

Kwa upande mwingine, watu wenye kipato cha chini huenda wakawa na mahusiano mazuri ya kijamii yanayojumuisha mara nyingi familia au watu walio karibu nao kihisia.

Watafiti wamejaribu kuelezea kuwa, watu wenye kipato kikubwa wanaweza kuwa na uhusiano ambao unaweza kuwa na faida fulani za kimkakati au kifedha. Wanaweza kutumia muda mwingi katika mikusanyiko ya kijamii au hafla za kibiashara ili kujenga au kuimarisha mahusiano yanayohusiana na kazi au biashara zao.

Hali hii inaweza kusababishwa na sababu kadhaa ikiwemo kukosa muda. Watu matajiri mara nyingi hujikuta wakishughulika na majukumu mengi ya kazi au biashara, hivyo wanapata ugumu kuwa na muda wa kutosha kwa ajili ya uhusiano wa kijamii.

Nchi 10 za Afrika zenye intaneti yenye kasi

Mazoea ya maisha: Baadhi ya watu wenye mafanikio makubwa wanaweza kujikuta wakiishi katika maeneo ambayo yana utulivu zaidi au yanayohitaji faragha. Hii inaweza kufanya kuwa vigumu kwao kukutana na watu wapya au kujenga uhusiano mpya.

Ushawishi wa kijamii: Wakati mwingine, watu matajiri wanaweza kujikuta wakizungukwa na watu ambao wanavutiwa nao kutokana na mali zao badala ya kuwa nao kwa sababu ya urafiki wa kweli. Hii inaweza kusababisha hisia za upweke kwa sababu ya kutokuwa na uhusiano wa kweli na uaminifu.

Hata hivyo, ni muhimu kutambua kwamba watu wote, matajiri na maskini wanaweza kuhisi upweke na suluhisho linaweza kitofautiana kwa kila mtu.