Mvua ni mojawapo ya hali ya hewa ambayo inaweza kuathiri usalama wa barabarani. Wakati wa kuendesha katika hali ya mvua, ni muhimu kuchukua tahadhari ili kuepuka ajali na kudumisha usalama wa barabara.

Haya ni mambo ya kuzingatia unapokuwa unaendesha barabarani katika kipindi cha mvua;

Kagua gari lako

Kabla ya kuendesha wakati wa mvua, ni muhimu kuhakikisha gari lako limekaguliwa vizuri. Unatakiwa kukagua vipuli vya kufuta maji ya kioo na kuhakikisha haviachi mistari na kusafisha mvua kwa kugusa mara moja.

Pia, unapaswa kuangalia ikiwa taa zote za mbele, nyuma, breki na za ishara zinafanya kazi vizuri pamoja na matairi.

Weka umbali

Wakati wa kuendesha kwenye mvua, ni muhimu kuacha nafasi kati ya magari ili kudumisha umbali salama kutoka kwa gari lililo mbele yako. Hii huzuia pia malori na magari mengine makubwa yasimwage maji kwenye kioo chako cha mbele.

Punguza mwendo

Kwa ufupi, njia bora zaidi ya kuepuka ajali barabarani ni kupunguza mwendo au kujipa muda wa kutosha kusimama pindi hali ya hewa inapozidi kuwa mbaya.

Zingatia unapokuwa barabarani

Ili kuzuia migongano wakati mvua, daima weka mikono yako kwenye usukani na macho yako barabarani na kwenye magari mengine yaliyo karibu ili kuona kwa urahisi pia madimbwi yaliyoko barabarani.

Pia, inashauriwa kuwa dereva anapaswa kuwa makini wakati wa nusu saa ya kwanza ya mvua kwa sababu uchafu na mafuta kwenye barabara yanaweza kuchanganyikana na maji na kufanya iwe hatari.

Washa taa zako

Hata unapoendesha gari wakati wa mchana, bado ni wazo zuri kuwasha taa zako za mbele na kutumia miale ya chini ili kuona vizuri barabara. Wakati wa mvua hupunguza uonekano wa mchana.

Usiendeshe maeneo ya mafuriko

Ikiwa eneo linaonekana kuwa na kina kirefu cha maji, tafuta njia nyingine badala ya kuhatarisha usalama wako. Angalia hali ya hewa kabla ya kuendesha gari. Ikiwa mvua inaonekana kuwa kubwa sana, fikiria kuendesha gari baadaye.