Astral projection, au uwezo wa kujitenga kiroho na mwili na kusafiri katika ulimwengu wa roho, umekuwa moja ya mada zenye utata katika uwanja wa kiroho na kisayansi.

Baadhi ya watu wanaamini kwamba astral projection ni uzoefu wa kweli unaoweza kutokea katika maisha yetu ya kila siku, na wengine wanaiona kama nadharia isiyo na msingi.

Katika makala hii, tunatazamia mtazamo wa kisayansi na kiroho kuhusu astral projection na kujaribu kufahamu ikiwa ni uzoefu halisi au ni dhana ya akili.

Ufafanuzi wa Astral projection

Astral projection ni hali ambayo mtu anahisi kana kwamba amejitenga na mwili wake kwa ridhaa yake na kusafiri katika ulimwengu wa roho au ulimwengu wa kimwili bila ya mwili wake. Katika uzoefu huu, mtu anaweza kuhisi ameondoka nje ya mwili wake na kuwa na ufahamu wa kuishi katika ulimwengu mwingine.

Hata hivyo, kuna ripoti za watu ambao wanaeleza uzoefu wa kutoka nje ya mwili bila ridhaa yao au bila kufuata taratibu za kufanya hivyo pindi wanapokuwa katika usingizi. Katika hali hizi, mtu anaweza kuhisi anatoka nje ya mwili au kuhisi kana kwamba yuko nje ya mwili wake bila udhibiti wake.

Mtazamo wa Kiroho kuhusu kutoka nje ya mwili

Katika mtazamo wa kiroho, astral projection ni uzoefu wa kweli unaoweza kufikiwa kupitia mazoezi ya kiroho kama vile kutafakari kwa kina, au mbinu nyingine za kujitafakari.
Wakati wa astral projection, watu wanaweza kusafiri kupitia roho pekee, kukutana na wafu, kuona viumbe visivyoonekana au hata kupata nafasi ya kufahamu kwa kina kuhusu maisha yao.

Wafuasi wa mbinu za kiroho wanadai kwamba astral projection inaweza kutokea kama matokeo ya kujifunza kudhibiti nguvu ya mwili na fahamu, na kwamba ni njia ya kujifunza zaidi kuhusu ulimwengu wa kiroho na nafsi ya mtu.

Mtazamo wa Kisayansi kuhusu kutoka nje ya mwili

Kwa upande mwingine, katika mtazamo wa kisayansi, hakuna uthibitisho wa moja kwa moja wa uwepo wa astral projection. Wanasayansi wengi wanaamini kwamba uzoefu wa astral projection unaweza kueleweka zaidi kama hali za akili zinazoweza kutokea wakati wa mchakato wa kutotulia au hali ya fahamu iliyobadilika.

Hadi sasa, hakuna uthibitisho wa kisayansi unaounga mkono kuhusu astral projection, tafiti za kisayansi zinazoangalia mada hii zinajikita zaidi katika uchunguzi wa hali ya akili na ubongo wakati wa hali kama vile usingizi, ndoto, au hali za kutotulia.