Uhuru wa kupiga kura ni mojawapo ya haki za msingi katika jamii za kidemokrasia. Haki hii inampa kila raia uwezo wa kuchagua viongozi na kuamua mwelekeo wa serikali zao. Kupitia upigaji kura, wananchi wana nafasi ya kutoa maoni yao kuhusu sera na maamuzi muhimu yanayoathiri maisha yao ya kila siku.

Katika nchi nyingi, uhuru wa kupiga kura umeimarishwa kupitia katiba, ambapo serikali zinahakikisha kwamba raia wote waliotimiza umri wa kupiga kura wanapata fursa ya kushiriki uchaguzi. Hata hivyo, changamoto kama vile rushwa, udanganyifu, na ukosefu wa elimu ya wapiga kura bado zinaweza kuathiri haki hii katika baadhi ya maeneo.

Kulingana na Afrobarometer, Waafrika wengi (75%) wanaona uchaguzi kama njia bora ya kuchagua viongozi wao. Zaidi ya raia sita kati ya kumi wanaunga mkono mchakato wa uchaguzi katika nchi zote zilizofanyiwa utafiti isipokuwa Lesotho, ambapo uungwaji mkono unafikia asilimia 44.

Zifuatazo ni nchi 10 bora za Afrika zilizo na uhuru zaidi wa kupiga kura bila shinikizo;

1. Gambia: 92%
2. Zambia: 91%
3. Sierra Leone: 91%
4. São Tomé and Príncipe: 88%
5. Tanzania: 88%
6. Ghana: 86%
7. Botswana: 86%
8. Liberia: 86%
9. Cabo Verde: 85%
10. Senegal: 81%

Chanzo: Business Insider