Uamuzi wa kuacha kazi ni mchakato wa kujitathmini kwa kina ili kuelewa kama kazi inakidhi matarajio yako na malengo ya maisha yako ya kitaaluma.

Uamuzi huu unaweza kusababishwa na changamoto kazini, hisia za kutokuwa na furaha, au kutafuta fursa mpya za ukuaji. Hivyo kujua kuhusu sababu zako na kutathmini jinsi uamuzi huo utakavyoathiri maisha yako ni muhimu wakati wa kufanya uamuzi wa kuacha kazi.

Hizi ni ishara zinazoonesha kuwa ni wakati wa kuacha kazi yako;

1.        Kukosa furaha na shauku

Ishara ya kwanza ni ikiwa kazi haikupi furaha wala shauku tena. Ikiwa asubuhi yako inakupa hisia za kukosa hamu ya kwenda kazini, hii inaweza kuwa ishara muhimu.

2.        Uwezo wako wa kazi kutotumika vyema

Ikiwa unahisi uwezo wako wa kazi hautumiki ipasavyo, ni ishara inayoweza kuonyesha kuwa ni wakati wa kutafuta changamoto mpya.

3.        Mazingira yasiyofaa kazini

Kama mazingira ya kazi siyo mazuri na yanakuletea mivutano, migogoro, au hata unyanyasaji, hii inaweza kuwa ishara kuwa unahitaji mabadiliko.

4.        Kulipwa pungufu kuliko unavyostahili

Ikiwa unajisikia kutokuthaminiwa na malipo yako hayalingani na mchango wako, hii inaweza kuwa sababu ya kufikiria kuondoka.

Biashara 5 ambazo hupaswi kufanya ukiwa na mtaji mdogo

5.        Kupoteza ufanisi na kutojali kazi

Ikiwa umeanza kupoteza ufanisi wako, hujali kazi yako, na hata kushindwa kutekeleza majukumu yako vizuri, hii inaweza kuwa ishara ya uhaba wa motisha.

6.        Hatma ya kampuni iko mashakani

Kama kampuni inakabiliwa na matatizo ya kifedha au mabadiliko makubwa yanakuja, hii inaweza kufanya mazingira ya kazi kuwa hatarishi.

7.        Hakuna fursa za kuendelea kielimu na kikazi

Kukosekana kwa fursa za kuendeleza stadi zako au kupanda cheo kunaweza kudhoofisha motisha yako kazini. Kuangalia mbele kwa fursa mpya ni muhimu.

8.        Mipaka yako imeshindwa kuheshimiwa

Ikiwa bosi wako au wenzako hawajali kuhusu mipaka yako binafsi au hawakuheshimu, hii inaweza kuwa kichocheo cha kuangalia mahali pengine.

9.        Kuona kuna fursa bora nje

Ikiwa unagundua kuna fursa bora za kazi nje ya kampuni yako, na unavutiwa nazo, hii inaweza kuwa ishara ya wakati wa kufanya mabadiliko.

10.      Mazingira yasiyokuwa na changamoto

Kama kazi yako haileti changamoto tena na unajikuta ukifanya mambo kwa mazoea, hii inaweza kuwa ishara ya utoshelevu wa kazi.