Mpango wa Ponzi ni ulaghai wa uwekezaji ambao hulipa wawekezaji waliopo kwa fedha zinazokusanywa kutoka kwa wawekezaji wapya. Waandaaji wa mpango wa Ponzi mara nyingi huahidi kuwekeza pesa zako na kutoa faida kubwa bila hatari yoyote.

Lakini katika miradi mingi ya ponzi, walaghai hawawekezi pesa hizo. Badala yake, wanaitumia kulipa wale waliowekeza mapema na kujinufaisha wao.
Miradi ya Ponzi imepewa jina la Charles Ponzi, mtu ambaye alidanganya wawekezaji katika miaka ya 1920.

Hizi ni ishara zinazokupa onyo kuhusu miradi hii;

Faida iliyohakikishwa
Kila uwekezaji hubeba kiwango fulani cha hatari, na uwekezaji unaoleta faida kubwa kwa kawaida huhusisha hatari zaidi. Kuwa na shaka sana na fursa yoyote ya uwekezaji iiliyohakikishwa.’

Marejesho thabiti kupita kiasi
Uwekezaji huwa unapanda na kushuka baada ya muda. Kuwa na mashaka kuhusu uwekezaji ambao mara kwa mara hutoa faida chanya bila kujali hali ya jumla ya soko.

Uwekezaji ambao haujasajiliwa
Miradi ya Ponzi kwa kawaida huhusisha uwekezaji ambao haujasajiliwa na serikali. Usajili ni muhimu kwa sababu huwapa wawekezaji uwezo wa kufikia taarifa kuhusu usimamizi, bidhaa, huduma na fedha za kampuni.

Wauzaji wasio na leseni
Sheria za dhamana za shirikisho na serikali zinahitaji wataalamu wa uwekezaji na makampuni yawe na leseni au kusajiliwa. Miradi mingi ya Ponzi inahusisha watu binafsi wasio na leseni au makampuni ambayo hayajasajiliwa.

Mikakati ya siri
Epuka uwekezaji ikiwa huelewi au huwezi kupata taarifa kamili kuzihusu.

Masuala yanayohusisha makaratasi
Hitilafu za taarifa za akaunti zinaweza kuwa ishara kwamba fedha haziwekezwi kama ilivyoahidiwa.

Ugumu wa kupokea malipo
Kuwa na shaka ikiwa hupokei malipo au unatatizika kutoa pesa. Waendelezaji wa mpango wa Ponzi wakati mwingine hujaribu kuzuia washiriki kupata pesa kwa kutoa ofa kubwa zaidi ili kuendelea kukaa.