Mwenzi wa roho ‘soulmate’ anaweza kuelezewa kama mtu anayelingana nawe kamili. Mtu anayekuelewa na kukupa upendo, anayekubalika bila masharti. Mahusiano haya yanahusisha uhusiano wa kina na unaoendelea hata wakati wenzi wawili wa roho wametenganishwa.

Utajua vipi kama ndiye mwenza wako wa maisha?

Muunganisho wa papo hapo

Mara ya kwanza ulipokutana naye ulihisi uhusiano wa papo hapo kana kwamba ninyi wawili mmefahamiana kwa miaka mingi.

Uaminifu

Hujisikii kama unahitaji kuficha chochote ili kumfurahisha, kwa sababu anakukubali jinsi ulivyo. Yeye hakuhukumu au kukufanya uhisi vibaya kuhusu kutokamilika kwako. Anakubali yote, mazuri na mabaya yako.

Anakujua vizuri

Mpenzi wako anakujua vizuri sana, labda bora zaidi kuliko unavyojijua mwenyewe. Hii inamaanisha kuwa anaweza kujua unapokasirika au unapokuwa hauko sawa.

Unahisi utulivu

Haijalishi siku yako ilikuwa ngumu kiasi gani, unaporudi nyumbani kwake au anapokuja nyumbani kwako, mara moja unahisi utulivu.

Unamuelewa

Unaweza kuhisi hisia zake kana kwamba ni zako mwenyewe, kwa hiyo akiwa na huzuni unahuzunika, na wakati anafurahi unafurahi.

Unajihisi salama kwake

Ikiwa unahisi hali ya usalama wakati wowote unapokuwa karibu naye kana kwamba anaweza kukulinda kwa chochote, hii ni moja ya ishara za mwenzi wa kweli wa roho.

Mnakamilishana

Ninyi wawili hufanya timu yenye nguvu kwa sababu mnakamilishana na kusawazisha maeneo ya udhaifu wa kila mmoja.

Anakubaliana na mabaya yako

Wakati mwingine unaonesha upande wako mbaya zaidi na bado anakubali na kukupenda. Hii inamaanisha hutaogopa kumwambia au kulia juu ya jambo ambalo limekukera kwa sababu unajua uko salama kuelezea hisia zako.