Je! Mara nyingi huamka na maumivu ya shingo au mgongo asubuhi? Hii inaweza kusababishwa na ulalaji mbaya usiku. Namna ya ulalaji bora unaweza kusaidia kulala vizuri zaidi, kwani husaidia kulegeza misuli yako bila kupata maumivu yoyote.

Mojawapo ya mitindo ya ulalaji unaopendekezwa na wataalam ni kulala ukiwa umekunja miguu. Mtindo huu husaidia kupunguza kukoroma na kupunguza maumivu ya kiuno.

Pia kulala upande wako wa kushoto kunaweza kusaidia katika usagaji chakula na kuzuia asidi na kiungulia. Hata hivyo, mtu lazima awe mwangalifu ili asiweke shinikizo kwenye mabega na taya.

Mambo 5 yanayochangia kuzaa mapacha bila kufanya matibabu

Dkt. Karthick Dhayalan, MBBS. MS (Ortho), Mshauri, Daktari Bingwa wa Upasuaji wa Mifupa katika hospitali ya Prasanth anasema kulala ukiwa umekunja magoti ni salama kwani husaidia kupunguza shinikizo kwenye mgongo.

Kulalia tumbo lako kunatajwa kuwa mtindo mbaya kwa mujibu wa wataalam na inaweza kusababisha mkazo zaidi kwenye misuli na viungo vyako.

“Kulalia tumbo mara nyingi husababisha maumivu ya kiuno na shingo. Pia tunatakiwa kuepuka kutumia mto mgumu na kujaribu kulalia ubavu. Kulala chali ni hatari pia kwani husababisha kukoroma, matatizo ya ateri ya carotid, apnea ya usingizi,” amesema Dkt. Dhayalan.