Mamlaka ya Mapato Kenya (KRA) imesema imeazimia kuanza kufuatilia miamala ya simu kwa kuunganisha mfumo wa ushuru na mitandao ya simu kwa lengo la kuongeza mapato zaidi.

Katika taarifa iliyotolewa ya Bajeti ya mwaka wa fedha 2023/24 serikali imebainisha kutafuta ufikiaji wa rekodi za miamala ya pesa za mtu binafsi na za kampuni kwa njia ambayo inakusudiwa ili kufungua njia mpya katika vita dhidi ya udanganyifu na ukwepaji wa kodi.

Kamishna Mkuu wa KRA, Githii Mburu amesema ujumuishaji uliopangwa wa mfumo wake wa ushuru na Telcos, ambao ni miongoni mwa walipakodi wakubwa, utaipa urahisi wa ufikiaji wa wakati kwa miamala kwa nia ya kampuni kutuma ushuru kila siku.

“Telcos hulipa kiasi kikubwa cha kodi, lakini tunaamini kuna fursa na upeo zaidi ikiwa tutaunganisha na kufuatilia hilo kila siku kwa kutumia teknolojia. Pia tutapokea ushuru kila siku kutoka kwa kampuni hizo za mawasiliano na kuhakikisha kuwa tuna wigo kamili wa miamala katika nafasi hiyo,” amesema.

Tanzania na Kenya zakanusha taarifa ya shirika la ndege la KLM

Ushuru unaotozwa na makampuni ya mawasiliano ni asilimia 20 ya ushuru wa mauzo ya saa za maongezi na bando za data pamoja na asilimia 12 ya ushuru wa huduma za kutuma pesa kama vile M-Pesa inayotambulika kimataifa, inayoendeshwa na Safaricom.

Watumiaji wa mtandao wa simu hulipa zaidi kodi ya ongezeko la thamani (VAT) kwa matumizi ya muda wa maongezi na Intaneti kwa kiwango cha kawaida cha asilimia 16, hivyo kufanya matumizi ya simu kuwa chanzo kikubwa cha mapato kwa serikali.