Hivi mtu huchagua wa kumpenda? Kama ndivyo unapochagua, unayemchagua naye anakuchagua? Ikiwa unayempenda hakupendi, utafanya nini?

Maswali hayo yatakuwa na majibu mbalimbali kwa watu tofauti, lakini wengi watakubaliana kuwa ni aina tofauti ya maumivu kumpenda mtu ambaye huwezi kuwa naye.

Hizi ni njia zitakazokusaidia kukabiliana na hali hiyo;

Furahia wakati wenu pamoja, usitarajie chochote zaidi
Kumpenda mtu ambaye huwezi kuwa naye haitakuwa rahisi, lakini haimaanishi kwamba unapaswa kujiweka kwenye maumivu zaidi. Hii inamaanisha unapaswa kuweka akili yako na haswa moyo wako kutotarajia chochote zaidi ya kile anachotoa. Lenga tu kufurahia kila dakika pamoja naye bila kutarajia chochote zaidi yaurafiki wako wa sasa.

Usiulize maswali ambayo yanaweza kukuumiza
Tunapenda kuuliza maswali ambayo yanaweza kutuumiza. Unahitaji kuacha kuhangaika juu ya hitaji lako la kujua kila kitu. Kwanza kabisa, kuuliza kama anakupenda au kama una nafasi kwake tayari ni maswali ambayo unajua jibu lake. Usiendelee kuuliza maswali kwa matumaini kwamba atabadilisha jibu lake siku moja.

Elekeza mawazo yako kwenye mambo ya kupendeza
Hii ni fursa yako ya kuangazia mambo unayopenda kufanya, iwe muziki, uchoraji, au hata kufanya mazoezi. Jambo kuu ni kuepusha kukaa na hisia zako siku nzima.

Kuwa rafiki wa kweli, lakini linda hisia zako
Ndiyo, kuwa rafiki yake, lakini unaruhusiwa kusema hapana ikiwa itachukua hisia zako. Kwa mfano, huwezi kuwa bega lake la kulia wakati amegombana na mpenzi wake. Ni sawa kumsikiliza akizungumza juu ya kufadhaika juu ya mtu anayempenda, lakini ni jambo lingine ikiwa atakushirikisha kupanga karamu nzuri ya kushtukiza kwa mpenzi wake.

Zungukwa na marafiki
Epuka kujifungia ndani na kufikiri kuhusu hisia zako. Unahitaji marafiki wako wa karibu zaidi wakuinue na kukukumbusha kuwa kuna wengine wanaokufaa zaidi.

Jiepushe na hali zenye kuumiza
Ikiwa unajua kwamba atakuwa na mpenzi wake mahali, basi ni vema usiende. Acha kuharibu moyo wako kwa sababu tu upendo wako kwake ni zaidi ya maumivu unayosikia. Upendo haupaswi kufanya kazi kwa njia hiyo, hasa upendo usio na usawa.

Acha kujifanya uko sawa
Ikiwa una maumivu sana, huna haja ya kujifanya kuwa sawa. Inachosha kuweka tabasamu bandia kila wakati, ukweli ni kuwa sio lazima hata kuwa rafiki yake ikiwa haiongezi faida yoyote katika maisha yako.

Andika kuhusu hisia zako
Kuandika kuhusu hisia zetu kunaweza kutupa mtazamo wazi zaidi wa kile tunachopitia. Hii ni mbinu ya matibabu inayojulikana ambayo haitakugharimu hata kidogo. Kinachofanya hili kuwa bora zaidi ni kwamba unaweza kusoma tena ulichoandika ili uweze kujitathmini vyema zaidi.

Hatua ya mwisho ni kumwambia kila kitu unachohisi bila matarajio yoyote
Ni vigumu kukiri bila matarajio, lakini itakusaidia kukabiliana na ukweli.
Mjulishe tu kwamba unampenda, lakini ujue huwezi kuwa naye. Kukiri kutakuondolea mvutano wote wa kujiletea ambao umejijengea kwa muda.