Rais wa Kenya, William Ruto amesema mpango wake wa kuifanya Kenya kuwa na hadhi ya kubwa kama Singapore, Japan, Korea Kusini au Malaysia,unahitaji angalau Ksh trilioni5 (TZS trilioni 93).
Akizungumza katika hotuba yake kuhusu Hali ya Taifa bungeni leo, ameeleza kuwa serikali yake itazingatia nguzo kuu nne ili kufanikisha mpango huo; kuwekeza kwa watu, kubadilisha uchumi, kuongeza uzalishaji wa nishati, na kuboresha sekta ya usafiri na usafirishaji.
Katika nguzo ya kwanza, Mkuu wa Nchi alieleza kuwa serikali lazima iwekeze kwa watu kupitia elimu, uboreshaji wa ujuzi, mafunzo ya kisayansi na uwezo wa ubunifu.
“Tumeongeza bajeti ya elimu kutoka Ksh.490 bilioni mwaka 2021 hadi zaidi ya Ksh.700 bilioni mwaka huu, jambo ambalo limeimarisha miundombinu ya elimu, kuongeza walimu na wakufunzi, pamoja na kuongeza ufadhili kwa vyuo na vyuo vikuu,” amesema Ruto.
Katika mabadiliko ya kiuchumi, Rais amesisitiza kuwa nchi lazima ihame kutoka kuwa muagizaji mkubwa wa bidhaa, bidhaa na huduma kwenda kuwa muuzaji nje, ili kuokoa taifa dhidi ya kutumia wastani wa Ksh.500 bilioni [TZS trilioni 9.3] kila mwaka kununua bidhaa za kilimo.
