Serikali imeidhinisha kuingizwa nchini kwa tani 50,000 za sukari kama sehemu ya juhudi za kukabiliana na uhaba wa bidhaa hiyo ambayo imesababisha kupanda kwa bei katika miezi ya hivi karibuni.

Serikali pia imewataka wazalishaji wa sukari kuanza tena uzalishaji kufuatia kupungua kwa mvua zinazoendelea kunyesha, hali inayowalazimu takribani wazalishaji wakuu wote kusimamisha uzalishaji kwa takribani miezi miwili.

Mkurugenzi Mkuu wa Bodi ya Sukari Tanzania (SBT), Kenneth Bengesi amethibitisha kuwa uzalishaji kwenye takribani viwanda vyote vikubwa umesitishwa kwa miezi miwili baada ya mashamba ya miwa kujaa maji na kuathiri ubora wa zao hilo.

“Inasikitisha kuwa mikoa inayozalisha sukari kama Kilimanjaro na Morogoro ilipata mvua kubwa katika miezi ya hivi karibuni na hivyo kuathiri uzalishaji,” amesema.

Ameongeza kuwa sukari yote ambayo watengenezaji walikuwa nayo kama akiba imekwisha, na kusababisha wauzaji wa jumla wasio waaminifu kuongeza bei.