Kutokuwa na furaha ni hali ambayo inaweza kuathiri sana maisha ya mtu, lakini mara nyingi inaweza kufichwa nyuma ya tabia na mienendo isiyo ya kawaida. Kwa wanaume, hasa, kutokuwa na furaha mara nyingi huonekana kama udhaifu au hali isiyo ya kawaida, na hivyo wanaweza kujaribu kuficha hisia zao.
Hizi ni tabia 6 wanazoonesha wanaume ambao hawana furaha maishani;
Huonyesha zaidi thamani yao
Ikiwa mwanaume anajitahidi kujionyesha duniani kote jinsi alivyo bora, inaweza kuwa ni kwa sababu anajaribu kuficha hisia zake na anajaribu kuziba pengo lililo ndani yake
Watu ambao wanaridhika kweli na maisha yao, hawahisi kuwa na haja ya kuonyesha mafanikio yao.
Hawajali kuhusu wao
Mwanaume ambaye hana furaha huanza kupuuza mahitaji yake ya msingi kama vile kutojali usafi binafsi au kuruka milo nakadhalika.
Shirika la Afya Ulimwenguni liliripoti kwamba watu wanaosumbuliwa na sonona mara nyingi huacha kujali afya yao ya kimwili, wanaweza kuacha kufanya mazoezi, kula vyakula visivyo na afya, au hata kushiriki katika tabia hatari kama kunywa pombe kupita kiasi au matumizi ya madawa ya kulevya.
Hufanya kazi kupita kiasi
Ni kawaida kwa wanaume kujitosa katika kazi zao wanapohisi kutokuwa na furaha. Kazi inaweza kutumika kumsahaulisha matatizo yake.
Kufanya kazi kupita kiasi kunaweza kuonekana kama alama ya heshima katika jamii, ishara ya kujitolea na uaminifu, lakini inapokuwa kupita kiasi, inaweza kuwa ni tatizo.
Hasira
Hasira inaweza kuwa dalili ya kawaida kwa wanaume ambao hawana furaha. Mtu ambaye awali alikuwa mvumilivu na mwenye uelewa anaweza kuwa mwenye hasira na kuchukizwa kwa urahisi.
Mabadiliko haya katika tabia mara nyingi hutokana na machafuko ya kihemko wanayoyapitia ndani. Wanaweza kupambana na hisia za huzuni, hasira, au kutokuridhika.
Mitindo ya kulala hubadilika
wanaume ambao hawana furaha, wanaweza kupata mabadiliko katika mitindo yao ya kulala. Hii inaweza kumaanisha kuwa na shida ya kupata usingizi, kuamka mara kwa mara usiku au hata kulala sana.
Hutumia utani na vicheko
Wanaume ambao si wenye furaha wanaweza kutumia utani kama mbinu ya kujilinda, wakitumia mizaha na kicheko kufunika hisia zao halisi.
Ni muhimu kutambua kwamba kutokuwa na furaha sio udhaifu, na ni muhimu kusaidia wale wanaopitia hali hii. Kuwasiliana kwa upole na kwa uelewa, kutoa msaada wa kihisia na kisaikolojia, na hata kutafuta msaada wa kitaalam kunaweza kusaidia kuleta mabadiliko chanya.
