Hatari za kiafya za kupoteza usingizi zinajulikana sana, kuanzia ugonjwa wa moyo hadi matatizo ya akili, lakini ni nani alijua kwamba kulala kidogo kunaweza pia kukufanya kuwa mbinafsi?

Kulingana na utafiti mpya kutoka chuo Kikuu cha California, Berkeley nchini Marekani,  kukosa usingizi usiku kunaweza kusababisha tabia ya ubinafsi hivyo kuathiri jinsi mtu anavyoweza kusaidia wengine.

Faida 5 za kulia usizozijua

Utafiti huo umeeleza kwamba watu wanapopoteza saa moja ya usingizi, kuna athari ya mabadiliko ya tabia ya asili ya kibinadamu na motisha ya kuwasaidia watu wengine.

“Tunapofikiria kuhusu watu wengine, nadharia ya akili huturuhusu kuelewa mahitaji ya mtu mwingine, Je! Wanafikiria nini? Je! Wana uchungu? Je! Wanahitaji msaada? Nadharia hii huharibika watu wanapokosa usingizi. Ni kana kwamba sehemu hizi za ubongo zinashindwa kujibu tunapojaribu kuingiliana na watu wengine baada ya kukosa usingizi wa kutosha,” amesema Ben Simon, Mtafiti kutoka Berkeley.