Magonjwa ya moyo yameripotiwa kuchukua maelfu ya maisha watu, huku yakichangiwa zaidi na mitindo mibovu ya maisha ikiwemo ulaji usio salama kwa afya.

Hivi ni vyakula 10 ambavyo vinaweza kukuweka kwenye hatari ya kupata magonjwa hayo.

Sukari, Chumvi na Mafuta

Kiasi kikubwa cha chumvi, sukari, mafuta na wanga iliyosafishwa huongeza hatari ya mshtuko wa moyo au kiharusi. Ikiwa una wasiwasi juu ya moyo wako, unahitaji kuzuia aina hii ya vyakula kwenye mlo wako.

Nyama nyekundu

Kula nyama ya ng’ombe, kondoo na nguruwe kupita kiasi kunaweza kuongeza uwezekano wa ugonjwa wa moyo na kisukari, kwa sababu yana mafuta mengi ambayo yanaweza kuongeza cholesterol.

Soda

Kutumia sukari nyingi zaidi ya ilivyopendekezwa na wataalamu inaweza kuwa hatari. Soda ina sukari iliyoongezwa zaidi kuliko iliyopendekezwa kwa siku. Wanywaji wa soda huwa na uzito zaidi na wana uwezekano mkubwa wa kuwa na ugonjwa wa kisukari aina ya 2, shinikizo la damu, na ugonjwa wa moyo.

Bidhaa zilizo okwa

Aina hii ya vyakula kwa kawaida huwa na sukari iliyoongezwa ambayo husababisha kupata uzito. Pia zinahusishwa na viwango vya juu vya triglyceride hivyo inaweza kusababisha ugonjwa wa moyo.

Pombe

Kunywa kwa kiasi hakutadhuru moyo wako, isipokuwa kama una shinikizo la damu. Unywaji mwingi wa pombe unaweza kusababisha shinikizo la damu, kushindwa kwa moyo, kiharusi, na kuongezeka kwa uzito.

Siagi

Siagi ina mafuta mengi ambayo yanaweza kuongeza cholesterol mbaya na kufanya uwezekano wa kupata ugonjwa wa moyo. Ni bora kutumia mafuta ya mzeituni au mafuta ambayo hayana athari kwenye moyo.

Chips

Viazi vilivyokaangwa vina mafuta na chumvi nyingi ambayo ni hatari kwa moyo wako. Utafiti mmoja uligundua kuwa watu waliokula vyakula hivi mara 2 hadi 3 kwa wiki walikuwa na uwezekano mkubwa wa kufa mapema.

Kuku wa Kukaanga

Kuku wa kukaanga huongeza kalori, mafuta na sodiamu. Tafiti zimehusisha vyakula vya kukaanga na kisukari cha aina ya 2, unene kupita kiasi, na shinikizo la damu, yote haya yanaongeza uwezekano wa kushindwa kwa moyo.

Ice Cream

Ice cream ina sukari nyingi, kalori, na mafuta. Kula vyakula vilivyojaa mafuta na sukari husababisha kuongezeka kwa uzito. Inaweza pia kuongeza triglycerides yako na kusababisha mshtuko wa moyo.

Pizza

Pizza inaweza kuwa nzuri kwa afya ikiwa itatengenezwa kwa njia inayofaa, lakini pizza iliyotengenezwa kwa kiasi kikubwa cha sodiamu, mafuta na kalori inaweza kuongeza mshtuko wa moyo.